Floristin & Hochzigsplanerin

Min Name esch Andrea Schwabe-Odermatt ond ich stamme ursprünglich us em wunderschöne Aargau, wo ich au mini Chindheit verbrocht han. Obwohl ich sit über 10 Jahr mit emene Basler zämeläbe, ghört mer immer no mini Wurzle us de Innerschwiiz ond em Aargau in mim Sprochgebruch. Aber kei Sorg, ich verstoh de Basler Dialäkt trotzdäm sehr guet!

Scho als chliises Meitli hani de grossi Traum gha, Floristin z'wärde ond dä hani spöter mit emene Lehrabschluss in däm Berich verwirklicht. Aaschlüssend ha i mini Kenntnis als Gärtnerin vertüft ond mi uf Zierpflanze spezialisiert. Nochdem i min denkmalgschützte Huus umfassend renoviert ond min Sohn zur Welt brocht han, bin i jetzt bereit, min Traum vo einer unabhängige Hochzigsplanerin und Floristin z'verwirkliche. Mit viel Motivation ond Kreativität verfolge i jetzt mini Ziel.

In minere Freizyt engagier i mich liedenschaftlich als Tanzleiterin be de Trachtengruppe Birmenstorf, wo i sit über 30 Jöhr Volkstänz ufführe tue. Osserdem ha i mit Jestavo, enere Gruppe für jungi Erwachseni, wertvolli Erfahringe im Ufbau enere neue Tanzgruppe gsammlet ond die 10 Jahr lang erfolgrich gleitet. Tanz esch för mich nid nur es Hobby, sondern eni Quelle vo Inspiration ond kreativä Energie, wo i au i mini Arbet als Floristin ond Hochzigsplanerin iflüsse lo.

Kreativität ond Fantasie sind mini Stärchene, wenns drum goht, einzigartigi ond individuelli Blueme-Arrangmo för mini Kunden z'entwärfe. I lieb's mit verschedene Farbe, Texture ond Forme z'spiile, um öppis z'schaffe, wo wörklich einzigartig esch. Allerdings mues i zugä, dass Rächtsschribig nid mini Stärchi esch ond i mängmol Schwierigkeit ha, Fähler z'vermiede. Ich bitte mini Kunde daher um Verständnis ond Entschuldige, falls i in de Eili mol en Rächtsschreib-Fähler überseh.

Obwohl min Termin-Kaländer voll esch, strebe i sit de füfte Klasse denoch, mi als selbstständigi Floristin ond Hochzigsplanerin z'etablierä. Im Jahr 2018 ha i d'VUSH Wedding Planner School bsuecht ond mis Wösse ond Erfahrige erwiteret. Mit minere langjährige Erfahrig ond Liedeschaft für mini Handwerkskunst bin i zuversichtlich, mini Kunde schöni ond unverwechselbari unverwechselbari Blueme-Arrangmo für alli Aaläss biete z'chönne. I bi bemüht, mini Kunden bi de Planig ond Umsetzig ihrne Wönsch z'unterstütze.

Termin uf Veribarig