Dekorationsplanig

I bi e usbildeti Floristin und Gärtnerin mit Fachrichtig Zierpflanze und ha e Liebi für d`Dekoration vo Veranstaltige. Bsunders d`Gestaltig vo Hochzigsdekoratione lieged mer am Härze. Jedes Wärkstück, wo ich kreiire, esch einzigartig und individuell uf d`Wönsch und Vorstellige vom Brutpaar apast. Ich investiere vell Liebi und Härzbluet i mis Schaffe, um e wunderschöni und unvergässlichi Hochzigsdekoration z'gschtalte. Mini Kreativität kennt debii kai Gränze und ich schaffe nöch mit mine Kunde zäme, um ehri Träum und Vorstellige z'verwürkleche.

Hesch vieli Idee, aber irgendwie ned s'richtigi Konzept gfunde? Du hesch en Vorstellig i dim Chopf, aber es will eifach ned so richtig klappe? Denn loh üs zäme es Farbkonzept erstelle und en individuelli Dekoration plane, wo genau zu Dir passt. Ich mach Dir es Bild vo de Ideene und erstell das Ganze in minem Atelier für dich vor. Am grosse Tag chumme ich persönlich bi dir verbii und arrangier die Dekoration, damit alles genau so esch, wie du's dir vorgstellt hesch. Du chasch mi gärn kontaktiere, um meh z'erfahre.